27 настай Хятад эмэгтэй Feng Jianmei –г 7 сартай жирэмсэн байхад нь “2 дахь хүүхдээ төрүүлэх гэж байна, хууль зөрчиж байна” гэх нэрийдлээр 5 залуу эмнэлэгт хүчээр авчирч үр хөндөлт хийжээ. Энэ үйл явдал энэ сарын 2 –ны өдөр болсон бөгөөд 36 цагийн дараа хүүхэд амьгүй төрсөн байна.

Хүн амын өсөлттэй хүчээр тэмцдэг Хятадад нэг хүүхэд төрүүлэхийг зөвшөөрдөг. Харин хоёр дахь хүүхдээ төрүүлэх эрхээ авахын тулд 6300 америк доллар төлдөг байна.  Feng Jianmei –ний гэр бүл 2 дахь хүүхдээ төрүүлэх эрхээ авсан байсан бөгөөд төлбөрийг нь хараахан төлж амжаагүй байсан юм. Түүнийг эмнэлэгт хүчээр авчиран, толгойд нь юм углаж, ямар ч хариу үйлдэл үзээлэх чадваргүй болгож байгаад аборт хийсэн байна. Амьгүй ураг, эхийнхээ хажууд эмнэлгийн орон дээр хэвтэж байгаа нүд халтирам дүр зургийг гэрэл зургийн хальснаа буулгаж олон нийтэд цацжээ. Олон улсын байгууллагынхан, төлөөлөгчид, Хятадын ард иргэд ч энэ асуудал дээр ихээхэн шүүмжлэлтэй хандаж, гэр бүл төлөвлөлтийн гаж тогтолцоо хэмээн буруутгаж байна.

2009 оны судалгаагаар Хятадад 13 сая үр хөндөлт хийсэн байна. 15-44 насны 1000 эмэгтэй тутмын 24 нь үр хөндөлт хийлгэдэг тухай ч мэдээллэжээ.