“Камертон-2” тоглолтын гуравдугаар шатанд үлдсэн оролцогчид фоограмтай дуулах юм байна. “ B production” нь камертон хамтлагийн дууны фонограмыг бэлтгэж өгөх бөгөөд оролцогчид өөрийн хүссэн дууны фонограмыг сонгон бэлтгэж тус шалгаруулалтанд орох аж. Тус төслийн зохион байгуулагч “B production”8 “Боловсрол суваг” телевиз шинээр төрүүлэх хамтлагаа байгуулаад таван жилийн турш ерөнхий продюсерээр ажиллана.
    Түүнчлэн,  “Камертон-2” шоунд багтсан залуус ивээн тэтгэгчдийн 50 сая төгрөгийн гэрээнд гарын үсэг зурж, төсөл хэрэгжих хугацаанд реклам сурталчилгаанд тоглох боломжтой юм байна. Энэхүү тэмцээний нэгдүгээр шатанд оролцогчид Камертон хамтлагийн дуунаас сонгохгүйгээр өөрийнхөө хамгийн сайн дуулж чадах дуугаа хөгжимгүй дуулжээ. Харин хоёрдугаар шатанд оролцогчид өөрсдийн бэлдэж ирсэн видео бичлэгийг шүүгчдэд өгсөн бөгөөд шүүгчид  тэдний хувцаслалт, дүр төрх, биеэ авч явах байдал, дуу бүжгийн мэдрэмж, камертай харилцах чадвар зэргийг харгалзан шалгаруулсан юм