Ардчилсан намын дарга Н.Алтанхуяг Булган аймагт иргэдтэй уулзалт хийж байна. Архангай аймагт өчигдөр ажилласан тэрбээр дөнгөж сая Булган аймагт хүрэлцэн ирээд уулзалтад оржээ. Түүнтэй цуг Ардчилсан намаас жагсаалтаар нэр дэвшигч Х.Тэмүүжин, Б.Батбилэг болон Ардчилсан намын даргын зөвлөх С.Отгонбаяр, Булган аймагт Ардчилсан намаас нэр дэвшигч Д.Түмэнжаргал, Булган аймгийн Ардчилсан намын дарга н.Эрдэнэбат нар уулзалтад оролцож байна. Булган аймгийнхан Ардчилсан намыг дэмжиж танхим дүүрэн цуглажээ. УИХ-ын гишүүн Х.Тэмүүжин Ардчилсан нам иргэн бүрээ ажилтай орлоготой болгохын төлөө бодлогоо чиглүүлж, Монгол Улсын хууль хүн бүхэнд ижил тэгш үйлчилдэг байхын төлөө ажиллаж, хууль шиг хуультай, улс шиг улс болж хүн шиг амьдрахыг хүсч байгаагаа хэлж байв. Тэрбээр авлигатай тэмцэх гэдэг хамгийн хэцүүг онцлоод Монголд байгаа авлигын сүлжээг арилгахын тулд хүн бүрийн дэмжлэг Ардчилсан намд хэрэгтэй байгааг дурдаж байсан юм.
Ардчилсан намын дарга Н.Алтанхуяг намынхаа "Монгол хүн" мөрийн хөтөлбөрийг танилцуулж, Ардчилсан нам иргэн бүрээ ажил орлоготой болгохын төлөө чадалтай боловсролтой, ашиг сонихлын зөрчилгүй шилдэг 76 нэр дэвшигчээ дэвшүүлснээ илэрхийлж, Булган аймагт Ардчилсан намаас нэр дэвшигч Д.Түмэнжаргалыг дэмжихийг хүслээ.
