Ардчилсан намаас нэр дэвшигч Д.Бат-Эрдэнэ тойргынхоо буюу Өмнөговь аймгийн Баяновоо суманд  уулзалт ярилцлага хийлээ. Сумын ард иргэдийн санал сэтгэгдэлийг сонсож “Өмнөговио өөрсдөө хөгжүүлье” уриа бүхий  мөрийн хөтөлбөрөө танилцууллаа. Уулзалтанд тус сумын  иргэд нийтээрээ оролцож нэр дэвшигчээс асуулт асууж, харилцан ярилцаж хийсэн бүтээсэн бүхэнд нь сэтгэл хангалуун байгаагаа илэрхийлж байв.
   Баян-Овоочуудад хөгжлийн түүчээг дагасан олон шийдвэрлэх асуудал бий. Энэ сумын ард иргэдийн гол тулгамдсан зүйл бол байгаль орчин, усны асуудал.  
  Нэр дэвшигч Бат-Эрдэнэд Нутгийн уяачдын хөдөлмөрийг дэмжиж олон сайхан уралдаан зохион байгуулж нутаг орноо сурталчилж говь шанхын хурдыг хөгжүүлэхэд ихээхэн санаачлага гаргаж яваад нь талархан Мянгат малчин, Аймгийн алдарт уяач Буяннэмэх хурдан хүлгээр бэлэг барисан нь бэлэг дэмбэрэлтэй хүдэтгэлтэй сайхан үйл явдал байлаа.
    Сонгууль хаяанд ирсэн энэ өдрүүдэд иргэд, сонгогчдийн идэвх эрс нэмэгдэж ,нэг суманд зохиосон уулзалтанд л гэхэд сумын иргэд өргөнөөр идэвхитэй   оролцож байгаа нь тухайн нэр дэвшигчийг хэр рейтинг өндөртэй  байгаа харуулж  байлаа. Өмнөговио өөрсдөө хөгжүүлэх цаг нэгэнт ирсэн гэдгийг говийн ард түмэн ухамсарлах болсон. Тиймдээ ч “Өмнөговио өөрсдөө хөгжүүлцгээе” уриалгыг гаргаж яваа нэр дэвшигч Д. Бат-Эрдэнийн энэ том зорилго, хүсэл, тэмцэл нь Өмнөговьчуудын итгэл найдвараар биелэгдэж төр түмнийхээ төлөө хоёргүй сэтгэлээр зүтгэх болтугай.

                                                                                                            Л.Оюу