Өдрийн эмчилгээг   цаашид үргэлжлүүлэхийн тулд Иргэний Эрүүл мэндийн даатгалын хууль болон өрхийн эрүүл мэндийн төвийн үзүүлэх тусламж үйлчилгээний багцад өөрчлөлт оруулах  хэрэгтэй байгаа аж. Энэхүү ажлын хүрээнд  ЭМЯ-тай дүүргүүдийн өрхийн эмнэлэгийн төлөөллүүд хамтран   уулзалтууд зохион байгуулж  байна. Эрүүл мэндийн яам, Азийн хөгжлийн банктай хамтран, Японы ядуурлыг бууруулах сангийн санхүүгийн дэмжлэгтэйгээр “Улаанбаатар хотын эмзэг бүлгийн хүн амын эрүүл мэндийн тусламж үйлчилгээний хүртээмжийг сайжруулах” JFPR 9115-MON төслийг хэрэгжүүлсэн юм. Тус  төслийн хүрээнд нийслэлийн эмзэг бүлгийн иргэдийг бичиг баримтжуулахаас гадна “Өрхийн эмнэлгийн өдрийн болон гэрийн эмчилгээ” туршилтын загвар төслийг хэрэгжүүлсэн ажээ.  Энэхүү төсөлд Сонгинохайрхан дүүргийн 22 , 24 дүгээр хорооны алслагдсан өрхийн  хэвтрийн хүнд өвчтэй, хорт хавдартай иргэд хамрагдсан байна. Мөн өдрийн эмчилгээнд эмзэг бүлгийн бичиг баримтгүй, өрх толгойлсон эрэгтэй, эмэгтэй, ганц бие иргэн, ахмад настан, хөгжлийн бэрхшээлтэй зэрэг 520 гаруй иргэнийг хамруулжээ . Түүнчлэн төслийн хүрээнд өдрийн эмчилгээнд суурь өвчтэй хүүхдүүдийг анх удаа хамруулж эмчилж анагаасан байна. Ер нь улсын хэмжээнд хүүхдийн эмнэлгүүдэд өдрийн эмчилгээ хийдэггүй байсан ажээ.  Тиймээс эмчилгээнд хамрагдах хүсэлтэй иргэд их байна.

Д.Ундрах 24tsag.mn