Сонгуулийн санал хураалт будлиантай болсон, санал тоолох машин алдаатай ажилласан гэх зэрэг шүүмжлэлийг зарим намууд "Бодь групп"-тэй холбон тайлбарлаж байгаа билээ. Тус группийн хувьцаа эзэмшигч УИХ-ын гишүүн Л.Болдыг энэ хэрэгт буруутай гэж хардах хүн олон байгаа юм. Харин "Бодь групп"-ын захирал Н.Нацагдорж энэ асуудалд няцаалт өглөө. Тэрбээр "Сонгуулийн санал тоолох машины програм хангамжийг хийсэн "Интер актив" компанийг манай охин компани гэж зарим нэр дэвшигчид ярьж байна. Тийм зүйл байхгүй, "Бодь групптэй ямар ч холбоогүй газар. Манай байгууллага СЕХ-той хамтарч санал тоолох прорамм хангамжинд нөлөөлсөн гэдэг нь ямар ч үндэслэлгүй гэдгийг албан ёсоор мэдэгдэж байна" гэв. Б.Баяр
