Хөвсгөл аймгийн “Скай” телевизийн сэтгүүлч, зураглаачдыг сонгуулийн үеэр нэг талыг барьсан сурталчилгаа явуулсан хэмээн тус телевизийн толгой компани болох “Хөвсгөл ньюс” ХХК-ийн гүйцэтгэх захирал Б.Ганзориг хоёр залуу, нэг эмэгтэйн хамтаар зодсон хэрэг гарсан. Халдлагад өртсөн дөрвөн сэтгүүлч, гурван зураглаач бүгд тархиндаа хүнд гэмтэл авсан байна. Шүүх эмнэлгийн магадлагаа өнөөдөр гарах аж. Б.Ганзориг нь хэрэг үйлдэх үедээ согтууруулах ундаа хэрэглэсэн байжээ. Гэвч тэднийг одоо хүртэл цагдан хориогүй байгаа аж. Хэргийг сануулбал, тэрээр тус телевизийг УИХ-ын сонгуульд МАН-аас нэр дэвшиж байгаа Л.Мөнхбаатарын талд ажилласангүй хэмээн зодсон байна. Учир нь тус телевизийн эзэмшигч нь Л.Мөнхбаатар хэмээн эх сурвалж мэдээллээ. Б.Чимэг
