Голландын жүжигчин Сильвия Кристель Амстердамд  эмнэлэгт  хүргэгдсэн талаар ” Het Laatste Nieuws”  сонинд бичжээ. 59 настай  Кристель  хорт хавдрын  шинж тэмдэг  нь  хүндэрсэний улмаас зайлшгүй яаралтай эмчлүүлэх болсон талаар түүний хүү  Артур  сэтгүүлчид  ярилцлага өгсөн байна.“Хэдийгээр  ээжид  сайн эмчлэгдэх  найдвар байгаа ч бид тухай нөхцөлд  бодитоор хандан яаралтай арга хэмжээ авахаас өөр  зам байсангүй”  гэж  Артур мэдэгдсэн байна. Залуухан  фотомодель  Сильвия Кристель  1973  онд “Европын  телевизийн  мисс “гэдэг эрхэм алдрыг  хүртэж байсан жилдээ “Хашааны цаана буй нүцгэн бүсгүй” кинонд анх  тоглосон билээ.
  Жилийн дараа тэрээр Францын найруулагч Жюст Жакений  эротик  аястай  «Эммануэль» кинонд  тоглосон  нь  Сильвия Кристельд  хязгааргүй  алдар  хүндийг  авчраад  зогссонгүй зөвхөн  «Эммануэль»-ийн  сэдвээр  дагнасан 6 киног бүтээхэд  хүргэсэн юм.Тэрээр нийтдээ 60 гаруй киноны дүрийг бүтээсэн бөгөөд  2001 онд “Банк “ кинонд тоглосноос хойш  одоохондоо дахин дэлгэцэнд  гараагүй байгаа юм.

Ц.Болор