Лондон хотноо зуны олимп удахгүй эхлэх гэж байгаагаас үүдэн тус хотын дарга тээврийн шинэ үйлчилгээ нэвтрүүлж эхэлснээ албан ёсоор мэдээлэв. Олимпийн үед Темза голын дээгүүр зорчигчид татлагат өргүүрээр үйлчлүүлэх боломжтой аж. Тасалбарын үнэ 4.50 фунт стерлинг байх авч “Ойстер” хэмээх хөнгөлөлтийн карт эзэмшигчид тасалбараа 3.20 фунт стерлингээр худалдан авч болох юм.  Тус өргүүрээр таван минутын дотор хоёр чиглэлд 2500 зорчигч нэгэн зэрэг хүрэх газартаа очиж болох гэнэ.  Энэ үеэр хүмүүс Их Британийн зүүн хэсгийн байгалийн үзэсгэлэнт газрыг харж болохоос гадна хотын замын түгжрэлээс ангид байх боломжийг бүрдүүлж байгаа онцлогтой ажээ.  “Эмирэйтес эйр лайн” татлаган өлгүүрт  Хойд Гринвич трамвайны станцаас сууж болох гэнэ. Тус станцын ойролцоо “О2” хэмээх цэнгэлдэх хүрээлэн байрлах бөгөөд олимпийн үеэр энд гимнастикийн тэмцээн, сагсан бөмбөгийн хэд хэдэн тоглолт үзэх боломжтой юм.