Уйлж буй жаал хүүг тавьсан айл болгон шатдаг
Уйлж буй хөвгүүний зургийн учрыг одоогоор хэн ч тайлж чадаагүй гэдэг. Бяцхан хүүг дүрсэлсэн энгийн нэг уран зураг олон айлыг орох оронгүй болгосон байна. Үүний учир “Уйлж буй жаал хүү” нэртэй уран зургаар ханаа гоёсон айл, албан газрууд удаа дараагаар түймэрт өртсөн ч зураг гал гарах шалтгаан болоод байна уу, үгүй юу? гэдгийг мэргэжилтэн судлаачид тогтоож чадаагүй байгаа аж. Хамгийн хачирхалтай нь түймэрт шатсан байшингуудын цурман дундаас мөнөөх зураг өчүүхэн ч гэмтэлгүй гарч ирж байсан байна. Тайлагдашгүй нууцаараа алдартай Англид энгийн нэг уран зургийн хуулбар гай дагуулдаг итгэмээргүй үзэгдэл гарсаар байлаа. 1985 оны есдүгээр сард Үорк хошууны гал сөнөөгчид дуудлага авмагцаа түймэр гарч байгаа газар ирсэн боловч түймэр дийлдэхээргүй болсон байжээ. Гал сөнөөгчид даруй боломжтой бүх арга хэмжээг авсан боловч байшин бүхэлдээ шатаж үнс нурам л үлдсэн аж. Харин шатаагүй нэг л зүйл үлдсэн нь “”Уйлж буй жаал хүү” зургийн хуулбар байсан байна. Тэд өмнө нь нэг нурангаас энэхүү зургийг олж байжээ. Энэхүү зүйлийг харсан Петр Холл гэх гал сөнөөгч болсон явдлыг өөрийн ахдаа хэлэхэд ах нь итгэхгүйгээр барахгүй зургийн хуулбарыг авч ханандаа өлгөжээ. Маргааш нь Петр холлын ахынх нь гэрт гал гарч юу ч үгүй шатаж харин зургийн хуулбар л бүрэн бүтэн үлдсэн аж. Үүний дараагаар тэд “SUN” сонины редакцруу утасдаж энэхүү явдлыг хэлжээ. Орон нутгийн мэдээллийн хэрэгслүүдээр энэ тухай цацагдахыг сонссон хүмүүс муу ёр шүглэсэн зураг хэмээн гэртээ байгаа зурагаа хаяцгаажээ. Гэвч зураг байгаа газар түймэр гараад зогсохгүй зургийг устгахыг тусалсан хүмүүс хүртэл түймрийн хохирогч болцгоожээ. “SUN” сонины редакцид уйлж буй жаал хүүгийн зураг олон мянга ирснийг устгасан байна. Үүнээс хойш удалгүй тус сонины байр түймэрт өртсөн юм. Энэхүү зургийн учрыг тайлахаар ажилласан судлаачид юуг ч тайлж чадаагүй аж.
1980-аад оноос нэрд гарч байсан уг зургийг Bragolin хэмээн алдаршсан Испани зураач Bruna Amadio зуржээ. Тэрбээр 1969 онд Мадридад амьдарч байхдаа Дон Ванилла хэмээх өнчин хүүг олжээ. Хүүгийн эцэг эх түймэрт осолдож өөд болсон бөгөөд хүү үл мэдэгдэх шалтгаанаар амьд үлдсэн байна. Браголины урлан шатаж үгүй болоход тэрээр жаал хүүг буруутган зэмлэхэд хүү ихэд гомдон уйлжээ.Тэр цагаас хойш хэн ч түүнийг хараагүй гэдэг.
Гайхамшигт эдгэрэлтүүд
Толгойгүй болсон ч эдгэрсэн хүү
47 давхараас унасан ах дүү хоёр
2007 оны 12 дугаар сард ах дүү Алкид, Эдгар Морено хоёр Нью-Йоркийн нэгэн өндөр цамхгийн 47 давхараас унажээ. Тэд өндөр барилгын цонхыг угаадаг ажил хийдэг байсан бөгөөд бэхэлгээний олс нь гэнэт тасарсан байна. Энэ ослын улмаас Эдгар Морено нас барч харин дүү нь амьд гарчээ. Алкид 16 удаа мэс засал хийлгэсний эцэст 2009 оны нэгдүгээр сард ярьж эхлэн, хоёрдугаар сард нь эмнэлэгээс гарсан гэнэ. Одоо тэрээр нөхөн сэргээх эмчилгээ хийлгэж буй төдийг дахин хөлд орж эхлээд байгаа аж.
19 жил ухаангүй хэвтээд сэхсэн залуу
Төмөр замын ажилчин Ян Гржебски 1988 онд гал тэргэнд дайруулжээ. Тэрээр комд орсон учир эмч нар гурван жил л амьдарна хэмээн оншилсон байна. Гэвч Ян Гржебски 2007 онд гэнэт сэхэн ухаан орж эмч нарыг гайхшруулжээ. Түүнийг ийн сэрэхэд коммунизм аль эрт устаж хүмүүс хаа сайгүй гар утсаар ярьж байв. Эмч нарын хэлснээр ийм удаан комд байсан хүн ухаан орсон нь үгүй аж. Дэлхийд бүртгэгдсэнээр хамгийн удаан буюу 37 жил комд байсан нэгэн өвчтөн ухаан орохгүй байсаар хорвоог орхижээ.
Их бие нь хоёр хуваагдсаны дараа амьдарсан хүн
1995 онд Хятадын иргэн Фенг Шулин автын осолд орж их бие нь бараг хоёр хуваагджээ. Шулин хөлгүй болж доод бие нь мэдээгүй болсон байна. Хоёр хуваагдсан биеийг нүүрний арьснаас нь авч ил шархыг тусгай зүйлсээр нөхжээ. Одоо Фенгийн бие сайн төдийгүй хиймэл хоёр хөл дээрээ давгүй явдаг ажээ.
Сансрын нисэгчдэд тохиолдсон хачирхалтай явдалууд
Сансарт орон орны 400 гаруй хүн ниссэн байдаг байна.Тэд ид шидийн гэмээр сонин үзэгдлүүдтэй учирч байсан ч тайлбарлах боломжгүй зүйлсийн талаар олонд зарлахгүй байхыг илүүд үздэг ажээ. “Газар дээрхи обьектийн томрох үзэгдэл” гэсэн нэрийг анх Америкийн одон оронч Гарден Купер гарган иржээ.Тэр Төвдийн дээгүүр 300 километр өндөрт нисч яваад анх байшин барилгыг тод харжээ. Байх боломжгүй зүйл. Гэтэл сансрын нисэгч Виталия Севастянова “Би Сочиг харсан. Өөрийнхөө хоёр давхар жижигхэн байшинг хүртэл” гэж бичсэн бол өөр нэг нисэгч “Бразилийн дээгүүр нисч яваад цэнхэр өнгийн автобус хурдны зам дээр явахыг тодоос тод харсан ” гэжээ. Үүлэн дунд хөвж байгаа бөөн мөсний фото зураг ч байдаг байна. Сансарт сонсогддог дуу чимээний талаар нисгэгч Владимир Волков “Өвлийн шөнө байлаа. Гэнэт хаа нэгтээ нохой хуцах сонсогдсон. Эхлээд бидэнтэй хамт сансарт нисч байгаад өнгөрсөн лайка нохойны дуутай ижилхэн сонсогдсон ч дараа нь хүүхдийн уйлах дуу болж хувирсан. Үнэхээр айдас хүрэм” гэж бичжээ. Тэрээр 1971 онд сансраас дэлхий рүү буцах замдаа хоёр нисгэгчийн хамт осолджээ. Сансарын нисгэгчдэд хэн нэгэн тэдний араас цоо ширтэж байх шиг мэдрэмж төрдөг гэнэ. Хаа нэгтээгээс” чи хэтэрхий эрт бас буруу аргаар энд ирж . Би чиний өвөг. Хүү минь оройтоогүй дээрээ гэр лүүгээ буц. Бүтээгчийн хуулийг бүү зөрч” хэмээн шивнэх шиг болдог. Дуу хоолой өөртөө итгүүлэхийн тулд нисэгчийн гэр бүлийн нууцыг нь хэлдэг байна. Газар дэлхийгээс хэдэн бээрийн тэртээ хэн шивнэдэг билээ. Ихэнх сансрын нисгэгчид сансарт байхдаа өдрийн тэмдэглэл хөтөлдөг. Гэвч энэ үнэт баримтаа нийтэд дэлгэхийг хүсдэггүй. Тэднийг ухаан муутай гэж хэлэхээс айсандаа тэр ажээ.
Д.Ундрах 24tsag.mn
Сэтгэгдэл (5)