Хүний эрхийн үндэсний комисс Багануур дүүргийн чанга дэглэмтэй 427 дугаар ангид гэнэтийн шалгалт хийжээ. Чанга дэглэмтэй хорих ангид ял эдэлж буй ялтанг хөдөлмөр эрхлүүлэхийг хориглодог. Гэхдээ хорихын хашаанд доторх үйлдвэрлэлдээ ажиллуулах боломжтой. Гэтэл тус ангийн хоригдлуулыг хорихын хашаанаас гаргаж ажил хийлгэсэн зөрчил илэрчээ. Харин жирийн дэглэмтэй ангийн ялтнууд тусгай гэрээний үндсэн дээр ажиллаж болох аж.Мөн нэг хүнд ногдох талбай бага байгаа нь тогтоогджээ. Тодруулбал, нэг өрөөнд 6-8 хүнийг хорьж байсан байна. Уг нь тус анги шинээр баригдсан олон улсын стандартад нийцсэн анги гэж өөрийгөө тодотгодог аж. Гэтэл НҮБ-ээс батлагдсан стандартад хүрээгүй байна. Тэд яг стандартыг хэрэгжүүлнэ гэвэл төсөв хөрөнгө хүрэхгүй гэсэн тайлбар өгчээ.
Б.Золбоо
