Францын ерөнхийлөгч асан Н.Саркозег 2007 оны ерөнхийлөгчийн сонгуульд оролцохдоо их хэмжээний хууль бус мөнгө хандив нэрээр авсан гэж шалгахаар болжээ. Францын хуулиар сонгуульд нэр дэвшигчид хамгийн ихдээ 4600 евро /5800 доллар/ хандивлаж болно гэж заасан байдаг аж. Харин Францын хамгийн баян эмэгтэй гэгдэх Лилиане Беттенкуртаас түүнийг 150  мянган евро авсан гэж зарим хүн баталж байгаа аж. Хатагтай Беттенкуртын нягтлан Клайр Тибойт энэ хэргийн гэрч болж байгаа гэв.
   Харин Н.Саркози энэ хэргийг илт үгүйсгэн, гүтгэлэг гэж үзэж байгаагаа мэдэгдсэн байна. Гэсэн ч цагдаагийн газрынхан Н.Саркозигийн гэр, ажлын байранд шалгалт хийхээр зэхэж эхэлсэн тухай “BBC” агентлаг мэдээллээ.

Б.Баяр