1. Өчигдөр АНУ-ын Монесота мужийн Макалестер коллежийн антропологич, доктор, профессор Жак Уотерфорд “Эзэнт гүрний мэдээлэл” сэдвээр “Амстердам” кафед лекц уншлаа. Тэрбээр “Өнөөгийн ертөнцийг үндэслэгч эзэн Чингэс хаан”, “Монголын их хатдын нууц товчоо: Чингэс хааны эзэнт гүрнийг охидууд нь аварч хамгаалсан түүх” зэрэг ном бичсэн билээ.2. Гүржийн ерөнхий сайдаар шинээр сонгогдсон В.Мерабишвили тус улсын гэр бүл болгонд 600 ам.доллар олгох шийдвэр гаргажээ. М.Мерабишвилийн хэлснээр Гүржийн гэр бүл болгон эл хөрөнгийг юунд зарцуулахаа өөрсдөө мэдэх аж. Тус улсын сөрөг хүчнийг тэргүүлэгч Б.Иванишвили цуглаан хийхдээ мөн л иргэддээ 600 сая ам.доллар өгөхөө мэдэгдсэн байна. Тэгэхээр Гүржийн Засгийн газрын тэргүүний эл мэдэгдлийг Б.Иванишвилид барьсан хариу гэж иргэд нь үзэж байгаа гэнэ.
3. Палестины автономийн удирдагч асан Я.Арафатын өмсч байсан хувцас, хувийн эд зүйлд цацраг идэвхит Полоний-210 бодис илэрсэн байна. Я.Арафатын амьдралынхаа сүүлийн өдрүүдэд хэрэглэж байсан эдийг бэлэвсэн эхнэр нь шинжлүүлэхээр Швейцарийн Радиофизикийн дээд сургуульд өгсөн аж. Гэтэл түүний шүдний сойзонд Полоний-210 бодисын агууламж 54 миллибеккерель, дотуур хувцсанд 180 миллибеккерель байсан нь тогтоогдсон байна.4.Швейцарийн Лаггинхорн ууланд авираад бууж явсан зургаан уулчны тав нь амиа алдсан байна. Уулчид ХБНГУ-ын иргэд байсан гэнэ.
5. Энэ оны эхний зургаан сарын байдлаар ОХУ-ын гадаад өр 7.3 хувиар нэмэгдсэн тухай “Новости” мэдээлжээ. Оны эхнээс энэ сарын 1-н хүртэл хугацаанд энэ үзүүлэлт 39.7 тэрбум ам.доллараар өсөж, 585.1 тэрбум ам.долларт хүрсэн байна.
6.БНСУ-ын Тэнгисийн цэргийн алба БНАСАУ-ын хилээс холгүй Шар тэнгисийн арлуудын нэгэнд бааз байгуулах гэнэ. Энэхүү баазыг хоёр Солонгосын усан хилээс өмнө зүгт орших Пеннёндо аралд ирэх сарын сүүлчээр барьж эхлэх аж. 2014 онд барьж дуусахаар төлөвлөсөн бөгөөд 36.6 сая ам.доллар зарцуулахаар болжээ.
Д.Ундрах 24tsag.mn
