Өнөөдөр СЕХ-ноос ерөнхийлөгч Ц.Элбэгдоржид УИХ-ын шинэ гишүүдийн нэрсийг өргөн барих гэж байгаа. Гэсэн ч тойрогтоо ялалт байгуулсан боловч УИХ-ын сонгуулийн тухай хуулийн зарим зүйл, заалтыг зөрчсөн гэх хэдэн гишүүний нэрийг түдгэлзүүлжээ. Өчигдөр  СЕХ хуралдаж Орхон аймагт ялалт байгуулсан О.Содбилэг, Өвөрхангай аймагт нэр дэвшсэн Н.Төмөрхүү, С.Чинзориг, Увс аймагт хамгийн олон санал авсан Ч.Хүрэлбаатар, Б.Чойжилсүрэн нарыг түдгэлзүүлэх болсон байна. Н.Төмөрхүү, С.Чинзориг нарын хувьд сонгуулийн үеэр иргэдэд архи болон 20 мянган төгрөг тараасан гэсэн мэдээлэл тараад байгаа. Мөн Ч.Хүрэлбаатар, Б.Чойжилсүрэн нарыг тойргийнхондоо 100-150 мянган төгрөг тараасан нь баримтаар нотлогдсон байна. О.Содбилэгийн хувьд ч хууль зөрчин мөнгө тараасан гэсэн хэрэгт холбогдоод байгаа бололтой.  Эдгээр таван гишүүн хууль зөрчсөн үйлдлээсээ болж өнөөдөр УИХ-ын гишүүний тангараг өргөж чадахааргүй боллоо.