Монгол улс, БНХАУ-ын засгийн газар хоорондын хамтран ажиллах гэрээний дагуу урд хөрш 300 сая ам.долларын дэмжлэг үзүүлэхээр шийвдэрлэсэн байна.  Энэ хүрээнд малчдад 3000, тариалан эрхлэгчдэд 5000 ширхэг бага оврын трактор нийлүүлэх ажил эхэлсэн байна. Трактор нэг бүрийн үнэ таван сая төгрөг бөгөөд ХХААХҮ-ийн сайдын тушаалаар өрхийн тариалан эрхлэгчдэд 50 хувийн хөнгөлөлттэй олгох аж.  Тэгэхээр аймаг бүрт 300 трактор ногдох юм байна. Хадлан болон газар тариалангийн зориулалттай уг трактор нь шингэн хөргүүртэй, хорин морины хүчтэй, 159 кг жинтэй гэнэ. Мөн 1.8 метр авцын өндөртэй хадуур, тармуур зэргээс бүрддэг  байна. Улсын төсвийн болон ОХУ-ын банк хоорондын зээлийн хөрөнгөөр 2009-2011 оны хооронд авсан техник, тоног төхөөрөмжийг ашиглан 16 аймгийн 36 суманд техникээр үйлчилгээ үзүүлэх дундын нэгж байгуулжээ. Түүнчлэн 7.8 тэрбум төгрөгийн үнэ бүхий 21 нэрийн 266 ширхэг техник, тоног төхөөрөмжийг тариаланчдад гурван жилийн хугацаанд эргэн төлөх нөхцөлтэйгээр олгосон нь ихээхэн дэмжлэг болсон байна