Өвөрхангай аймагт олонхийн санал аваад байсан МАН-аас нэр дэвшигч Н.Төмөрхүү, С.Чинзориг нарын гишүүнээр сонгогдох эрхийг албан ёсоор түдгэлзүүллээ. СЕХ-ны дарга Н.Лувсанжав Хан-Уул дүүргийн шүүхээс ийм шийдвэр гарсныг дуулгасан юм. Тиймээс Н.Төмөрхүү, С.Чинзориг нарын хэргийг хуулийн дагуу шалгаж, буруугүй нь нотлогдвол нэрийг нь ерөнхийлөгчид өргөн барина гэлээ. Харин өнөөдөр Увс аймагт нэр дэвшсэн Ч.Хүрэлбаатар, Б.Чойжилсүрэн болон Орхон аймагт ялалт байгуулсан О.Содбилэг  нарыг хууль зөрчсөн гэж түдгэлзүүлсэн хэмээн мэдээлж байсан ч СЕХ тэднийг УИХ-ын гишүүний тангарга өргөх эрхтэй хэмээн үзжээ. Энэ шийдвэрийг нь СЕХ өөрсдөө гаргасан шийдвэрээсээ буцаж, хууль зөрчлөө гэж зарим хүн үзэж байна.