Хэвлэлээр Сангийн сайд Д.Хаянхярваад эрүүгийн хэрэг үүсгэсэн хэмээн цацагдсан. Мөн Б.Чойжилсүрэн, Ч.Хүрэлбаатар нарыг шалгаж байгаа. Энэ талаар Нийслэлийн проурорын орлогч Е.Сагсайгаас тодрууллаа.
    Хэвлэлээр Сангийн сайд Д.Хаянхярваад эрүүгийн хэрэг үүсгэсэн хэмээн цацагдсан. Мөн Б.Чойжилсүрэн, Ч.Хүрэлбаатар нарыг шалгаж байгаа. Энэ талаар Нийслэлийн проурорын орлогч Е.Сагсайгаас тодрууллаа.

-Хэвлэлээр Д.Хаянхярвааг шалгаж байгаа гэсэн мэдээлэл цацагдсан. Энэ талаар?

-МАХН-ын дэд дарга Д.Тэрбишдагва Сангийн сайд Д.Хаянхярвааг иргэдэд мөнгө тараасан хэмээн гомдол гаргасан. Гомдлын дагуу УИХ-ын сонгуулийн Дархан-Уул аймгийн 19 дүгээр тойрогт нэр дэвшигч Сангийн сайд Д.Хаянхярвааг өндөр настан болон хөгжлийн бэрхшээлтэй иргэдэд олгож байгаа 330.000 төгрөгийг өөрийн нэр  дэвшсэн тойрогт Сангийн сайдын албан тушаалаа урвуулан ашиглаж хүн бүрт 670.000 төгрөг тараасан асуудлаар Авлигатай тэмцэх газраас мөрдөн байцаалт явуулж байна.

-Ер нь УИХ-ын болон Нийслэлийн Иргэдийн хурлын тэргүүлэгчдийн сонгуультай холбоотой хичнээн хэрэгт эрүүгийн хэрэг үүсгэн шалгаж байна вэ?

-УИХ-ын болон Нийслэлийн Иргэдийн хурлын тэргүүлэгчдийн сонгуультай холбоотой арав гаруй хэрэг одоогоор шалгагдаж байна. Эдгээр хэрэгт нийслэл, аймаг, дүүргийн прокурорын газруудаас  хяналт тавьж байна.

-Тодруулбал?

-УИХ-ын сонгуулийн тухай хууль тогтоомж зөрчсөн, сонгуулийг зохион байгуулалттай будлиантуулсан, сонгуулийн сурталчилгааны явцад сонгогчдыг эд мөнгөөр татсан, санал хураалтын явцад хууль бусаар нөлөөлөх, будлиантуулах зорилгоор сонгогчдын нэрсийн жагсаалтыг давхардуулан үйлдсэн зэрэг асуудлууд шалгагдаж байна. Нэр дэвшигчдээс Өвөрхангайн аравдугаар тойрогт нэр дэвшигч Н.Төмөрхүү, Увсын 15 дугаар тойрогт нэр дэвшигч Ч.Хүрэлбаатар, Б.Чойжилсүрэн, Орхоны 20 дугаар тойрогт нэр дэвшигч О.Содбилэг, Дархан-Уулын 19 дүгээр тойрогт нэр дэвшигч Д.Хаянхярваа нарт холбогдуулан эрүүгийн хэрэг үүсгэсэн байгаа.