Хан-Уул дүүргийн ИТХ анхдугаар хуралдаанаа өнгөрсөн баасан гаригт хийж Засаг даргад хоёр хүний нэрийг дэвшүүлээд байна.

АН-ын төлөөлөгчид олонхи биш ч дүүргийн өмнөх удирдлагууддаа байгаа тамга тэмдгээ ашиглан ИТХ-ын даргаар Д.Батбилэгийг, Засаг даргаар Ж.Ганхуягийн нэрийг өргөн барих тогтоол баталжээ. Үүний дараа МАН-ын төлөөлөгчид мөн хуралдаж Б.Цэрэнг Засаг даргаар сонгохоор болсон аж.

Хуралдаанаар дүүргийн ИТХ-д сонгогдсон нэр дэвшигчдийн бүрэн эрхийг баталгаажуулж, ИТХ-ын дарга болон Засаг даргад нэр дэвшүүлэх асуудлыг хэлэлцэх байсан ч тодорхойгүй асуудал үүсээд байна.

Тус дүүргийн ИТХ нь нийт 35 мандаттай бөгөөд МАН 18, АН 15 суудалтай. Үлдсэн хоёр суудалд нь бие даагч сонгогдсон юм. Ийнхүү Хан-Уул дүүргийн ИТХ-ын төвшинд маргаан үүсч хоёр хүнийг Засаг даргад нэр дэвшүүлээд байгаа юм.