Өчигдөр буюу  11-р сарын 13-ны өдрийн оройн 22:00 цагийн орчимд “Under the dome” нэртэй БНХАУ-д нүүрлээд буй утааны гамшгийн талаар баримтат кино манай улсын мэдээллийн сувгуудаар нэгэн зэрэг цацагдсан.

Тухайлбал, Ийгл, Боловсрол, UBS болон SBN гэх мэт нэр бүхий 10 орчим теллевиз нэгэн зэрэг нэвтрүүлсэн юм.

Уг кино нь өнгөрөгч 2015 оны 3-р сард БНХАУ-д цацагдсан бөгөөд уг киног гармагц Хятадын засгийн газраас устгах шийдвэр гаргажээ. Улмаар “Under the dome” баримтат кино нь тус улсын бүх видео сайтуудаас устгагдсан байжээ.

“Under the dome” баримтат кино нь нээлтээ хийсэн цагаасаа хойш олон нийтийн дунд шуугиан тарьж дэлхийн хүн амд агаарын бохирдлын аюул, хор хохиролыг ахин нэг нухацтай бодоход нь хүргэсэн хүчтэй бүтээл болсон юм.

Хятадын эрэн сурвалжлах сэтгүүлч Чай Жин энэхүү киног хийхийн тулд хувиасаа 160.000 ам.доллартай тэнцэх хөрөнгө зарцуулж хорт утааны аюулаас аврагдсан Лондон хот, агаарын бохирдлоос сэргийлэх зохицуулалт сайтай хотуудад очиж судалгаа хийсэн байна.