Эрүүл ухаанаар бодсон ч боловсрол өндөртэй, хүмүүжил сайтай, элэг бүтэн тайван амьдрал дунд өссөн хүн гэмт хэрэг хийж, шоронгийн хаалга татаад явахгүй нь мэдээж. Тэгвэл яг энэ тал дээр судалгаа хийхээр АНУ-ын мэргэжилтнүүд хүнд болон хөнгөн ялтай хүмүүсийг судалж, ерөнхий шинжүүдийг нь гаргасан байна. Тэдний судалгааны дүн бодит үнэнтэй яв цав нийцэж, дараах үр дүнг гаргажээ. 

 Өөртөө итгэлтэй

Гэмт хэрэгтнүүд ихэвчлэн өөртөө маш итгэлтэй, аминдаа хайртай байдаг. Тэд өөрсдийгөө ер бусын, хамгийн гайхалтай нэгэн хэмээн бодох нь ч бий. Өөрсдийн төлөвлөсөн, зорьсон бүхнээ биелүүлэхийн тулд олон шат дараалалтай төлөвлөгөө боловсруулж, түүндээ зориулан сэтгэл зүйгээ ч гэсэн бэлддэг. Энэ нь тэдэнд яг л хийх ёстой, зөв зүйлээ хийх гэж байгаа мэт сэтгэгдэл төрүүлж, өөртөө итгэх итгэлийг нь нэмэгдүүлдэг гэнэ. 

Бэртэл гэмтэлд ач холбогдол өгдөггүй

Мэдээж гэмт хэрэгтнүүдэд бэртэх гэмтэх, түүний ул мөрүүд болох шарх сорвиуд түгээмэл ажиглагддаг. Тэгэхээр тэд үүндээ нэг их ач холбогдол өгөхгүй, харин ч өөрсдөөрөө бахархдаг байж болох юм. Учир нь тэдний биед учирсан бэртэл, шарх сорив нь нэг ёсондоо маш баатарлаг, эр зоригтой зүйлсийн нэг. Тэд үүгээрээ ч бусдаас ялгардаг байна.

Хүчирхийлэгч

Тэд дургүйгээ хүрсэн үедээ хэнийг ч бэртэж гэмтээх, хүчирхийлэхээс буцахгүй. Тэдний хувьд өөрийн хүслийг хангах, бусдыг хүчирхийлэх нь энгийн л зүйлсийн нэг, бараг амьдралынх нь шаардлага ч болдог байх талтай. Өөрсдийн хийсэн зүйлдээ хэзээ ч харамсахгүй, харамслаа ч ахин гэмт хэрэг гаргахгүй байна гэх баталгаа үгүй. Тиймээс гэмт хэрэгтний халдлагад өртөх, шөнө оройн цагаар гадуур ганцаараа явахаас зайлсхийгээрэй. Таны төсөөлөө ч үгүй царай төрхтэй хүн таныг алахад бэлэн байж байдаг юм. 

Ганц бие эсвэл салсан байдаг

Цуврал алуурчид, гэмт хэрэгтнүүдийн 80 хувь нь ганц бие, салсан, эсвэл тогтвортой харилцаагүй байдаг ажээ. Мөн ихэвчлэн эрчүүд багтдаг. Тэд нийгмээс тусгаарлагдсан, ганцаардмал хүмүүс байдаг учир алтваа гэмт хэрэгт уруу татагдах нь элбэг байна.