Өчигдөр Ардчилсан намын дарга О.Цогтгэрэл УИХ-ын дарга Д.Амарбаясгаланг хурал удирдах эрхгүй хэмээн мэдээлэл өгсөнтэй холбогдуулан УИХ-ын гишүүн О.Алтангэрэлээс тодрууллаа. Тэрбээр, УИХ дахь АН-ын бүлгээс УИХ-ын даргатай холбоотой огт мэдэгдэл гаргаагүй. Харин Ардчилсан намын Улстөрийн зөвлөл нь УИХ дахь АН-ын бүлэг рүү бичиг өгснийг Намын дарга уншсан. Өөрөөр хэлбэл УИХ дахь АН-ын бүлэг ямар ч шийдвэр гаргаагүй. Улстөрийн соёлын хувьд аливаа нэг нам нөгөө намын асуудлаар хуралдах нь зохимжгүй бөгөөд АН-ын Улстөрийн зөвлөлийн шийдвэр бол УИХ дахь АН-ын бүлгийг төлөөлөхгүй гэж үзэж байгаа хэмээн мэдээллээ.