Өнгөрсөн тавдугаар сарын 8-нд гарсан гал түймрийг унтраахаар явсан гурван алба хаагч амиа алдаж, хоёр алба хаагч түлэгдсэн. Гэвч түлэгдсэн хоёр алба хаагчийн нэг нь өнгөрсөн зургадугаар сард амиа алдсан билээ. Харин гал сөнөөгч 24 настай А.Болорсүхийн биеийн байдал муудаж, монголд эмчлэгдэх боломжгүй болсон тул БНСУ-т эмчлүүлэхээр явсан билээ. Түүнд одоогийн байдлаар гурван мэс засал хийсэн бөгөөд тун удахгүй дөрөв дэх хагалгаандаа орох юм байна. Дөрөв дэх хагалгаа хийлгэсний дараа тэрээр эмнэлгээс гарах аж. Түүнд түлэгдэж үхэжсэн хэсгийн арьсыг нь тайрч арьс нөхөн суулгах, түлэгдсэн хэсгийг угаах болон бохирдсон цусыг нь цэвэршүүлэх хагалгааг хийсэн юм байна. Хагалгаа хийлгэснээр түүний биеийн байдал эрс сайжирч, хоолоо хэвийн идэж эхлээд байгаа аж. Б.Чимэг
