Японы ЖАЙКА олон улсын байгууллагын хөрөнгөөр энэ жил Улаанбаатар хотод зургаан сургуулийн барилга барьж байгаагаас 52 дугаар сургуулийн өргөтгөлийг ашиглалтад оруулжээ. Харин Хужирбулангийн 640 хүүхдийн, “Амгалан” цогцолбор сургуулийн өргөтгөлийн барилга ирэх есдүгээр сард, бусад нь ирэх онд ашиглалтад орох юм байна.

Мөн энэ онд Дэлхийн банкны санхүүжилтээр Канадын технологоор 40 цэцэрлэг барихаар болсон аж. Уг ажлын хүрээнд Улаанбаатар хотод 19, аймгийн төвүүдэд тус бүр нэг цэцэрлэг барих бөгөөд Орхон, Төв, Өвөрхангай аймагт барилга угсралтын ажил хэдийнэ эхэлжээ.