Найруулагч Д.Золбаяр өөрийн сошиал хуудсаар Хөдөлмөрийн баатар, Ардын жүжигчин П.Цэрэндагва, Д.Мэндбаяр хоёрт хандаж дараах постыг оруулжээ. 

Тэрбээр, "П.Цэрэндагва гуай, Д.Мэндбаяр гуай хоёрт хандаж хэлэх үг. Та хоёр минь яах аргагүй сайхан жүжигчид гэдгийг монголын ард түмэн мэднээ. Гэхдээ найруулагчийн хувьд хоёр ахмадад хэлэх үг байна. Хүн үлдэх мөртэй амьдардаг юм байна. Тэр мөр ямар байхаас хойшдын замнал дуурайдаг бололтой. Та хоёр минь сайн жүжигчин гэдгийг би байтугай хэн ч мэднэ. Одоо болио. Ингээд л дуусга. Аз жаргалтай амьдар. Хүүтэй чинь би найз. Миний найз та хоёрыг дутаагаагүй байх, Элдэв юманд битгий нэр холбогдож буяндаа бузар хий. Та хоёрыг би мэднэ. Монголын ард түмэн ч мэднэ. Хайртай шүү. Кино болгонд тоглох юм. Хөдөлмөрийн баатарыг хоёуланд чинь өгсөн ш дээ. Одоо болно. Зохиолыг нь уншиж бай. Таал. Таалагдахгүй бол ҮГҮЙ гэж хэлж сур. Би хэлж байгаа юм биш шүү.Та хоёрыг монголын кино дэлгэц үеийн үед тодруулсаар л байх болно." гэв.

Энэ постны хариуд жүжигчин, найруулагч Б.Амарсайхан: "Би Facebook хэрэглэж эхэлснээс хойш энэ сүлжээнд нэг ч удаа хүнтэй сөргөлдөж байгаагүй. Д.Золбаяр ах танд би нэг юм хэлье. Та битгий кино найруулаарай. Та угаасаа чаддаггүй. Чаддаггүй болохоороо уран бүтээл хийхийн, хийж бүтээхийн жаргалыг мэддэггүй. Энэ мэргэжил энэ хүмүүст бас ЭРХ ЧӨЛӨӨ өгсөн юм!

Энэ хүмүүс лаагаа иднэ үү луувангаа иднэ үү доор нь коммэнт бичиж суугаа дутуугийн комплекстой малнуудад түй ч хамаа байхгүй. Тан шиг утасны цаанаас хуцаж суудаг зэвэрцэн халтуурчин энэ хоёрыг шүүдэггүй юм!!!

Насан өндөр болсон уран бүтээлчийн, ер нь хэний ч урам зоригийг ингэж зэрлэгээр хугалахаасаа сэтгэл чинь өвдөхгүй байна уу!!! Юу ч байсан үгүй гэж хэлж чаддаггүй, юухнаар ч хамаагүй тус болчихсон гэсэн сайхан сэтгэлийг нь олж хардаггүй, харах билгийн нүд тань сохорчихож. Хэдэн лайк, өрөвдөлтэй эгогоо тэжээх гэсэн бэртэгчин зан чинь энэн дээр арай хэтэрчлээ!" гэжээ.