УИХ-ын чуулганы дараа УИХ дахь АНын бүлгийн дарга Д.Эрдэнэбатаас дараах зүйлийг тодрууллаа.  
-Чуулганаар юу хэлэлцэв?
    УИХ-ын чуулганы дараа УИХ дахь АНын бүлгийн дарга Д.Эрдэнэбатаас дараах зүйлийг тодрууллаа.

-Чуулганаар юу хэлэлцэв?

УИХ найман байнгын хороодынхоо гишүүдийн бүрэлдэхүүнийг сая баталлаа. Үүссэн улстөрийн нөхцөл байдал тодорхой хэмжээгээр улстөрийн ажлыг хэд хоногоор зогсоосон. Энэ асуудал юунаас үүдэлтэй вэ гэдэг нь ч нийгэмд ойлгомжтой байгаа. “Шударга ёс” эвслээс хамтарсан Засгийн газрыг байгуулах тухай гэрээгээ байгуулаад ажиллаж байна. Тус эвсэл ч бидэнтэй цаашид хамтарч ажиллахаа илэрхийлсэн. Тиймээс өнөөдрөөс эхлээд УИХ-ын үйл ажиллагаа тасралтгүй явна гэдэгт эргэлзэхгүй байна.

-МАХНын дарга Н.Энхбаярт ял оноосон талаар?

-МАХН-ын дарга Н.Энхбаярт Сүхбаатар дүүргийн шүүхээс ял оноосонд МАХН-МҮАНын “Шударга ёс” эвслийнхэн байр сууриа тодорхой илэрхийлж байгаа. Шүүх гэдэг хараат бус шийдвэр гаргадаг учраас улс төрийн намууд шүүхийн шийдвэрт хөндлөнгөөс нөлөөлөх боломжгүй. АН ч гэсэн ийм байр суурьтай байгаа гэдгээ хэлэх нь зүйтэй байх. Гэхдээ 1930, 40 онуудад гарч байсан шиг хэлмэгдүүлэлт ардчилсан нийгэмд гарах ёсгүй гэдгийг хэлмээр байна. Ардчилал хэлмэгдүүлэлт хоёр зэрэгцэж болохгүй гэдгийг АН төдийгүй монголын ард түмэн санал нэгдэх байхаа гэж бодож байна.

-МАН-ын асуудал юу болж байна?

-МАН-тай холбоотой зөвшилцлийн асуудалд олон талын гарцыг хайж байгаа. Гэхдээ аль аль талаасаа гарц хайх ёстой. Хамгийн гол нь төрийн ажил цаашид жигд явуулах ёстой. АН Их хуралд олонхоо бүрдүүлсэн учраас УИХ-ын даргаа сонгосон. Төрийн ажлыг цааш явуулахын тулд МАН маань чуулгандаа оролцох ёстой гэж хэлэх нь зүйтэй.