Төрийн соёрхолт жүжигчин Ц.Төмөрбаатар орон нутгийн театрт тоглохоор болжээ. Төв аймгийн “Монгол туургатан” театрын ерөнхий найруулагч Ч.Ганхуяг түүнд гурван жүжигт хамтран тоглох санал тавьсны дагуу Ц.Төмөрбаатар Төв аймгийн театрт түр хугацаанд гэрээгээр ажиллах болсон ажээ. Тэрбээр тус театрын тайзнаа тавих “Нохойн сүрэг” жүжгийн Баавгай гэдэг монгол банхрын дүрийг бүтээж байгаа ба дараа нь “Ромео Жульетта” мюзиклд тоглох юм байна.