Өнөөдөр Ордос хотноо “Дэлхийн мисс 2012”-ийн авьяаслаг миссийн шалгаруулалт эхэлж байна. Үзэсгэлэн гоо царай, үлэмж төгөлдөр бие цогцостой төрөхийн зэрэгцээ авъяаслаг байна гэдэг тэр бүр хослох нь ховор. Харин энэ тэмцээнд улс улсаар  шилэгдэн  хамгийн гоо, хамгийн төгс төгөлдөр хэмээгдэн ирдэг билээ. Ялангуяа авъяасын тэмцээнд үндэстэн бүрийн онцлог шингэсэн үзүүлбэр байдаг  учир дүгнэхэд бүр ч хэцүү. Харин шилдэгүүдэд  шигшигдэн үлдсэн миссүүд ямар ямар үзүүлбэр үзүүлэхээр бэлдсэн талаар  хүргэе.

Казакстаны мисс Евгиний Клишина: Би авъяасын үзүүлбэртээ бүжиг  бүжиглэнэ. Миний бэлдсэн үзүүлбэр хоёр жижиг хэсгээс бүрдэж байгаа. Эхний хэсэг нь уянгын гэж хэлж болохуйц удаан хөдөлгөөнтэй. Харин  хоёрдугаар хэсэг нь  өрнөл ихтэй хурц зан төлвийг илэрхийлсэн  хөдөлгөөнтэй. Энэ бүжгээрээ би өөрийн зан, сэтгэл  хөдлөлийн байдлаа илэрхийлэхийг  хүссэн.
Панамын мисс Миракли Гонзалес Помарес:  "Өнгөт салхи" гэдэг дуу миний сэтгэл зүрхнээс  ердөө гардаггүй. Наймаг таван настай байхад ээж маань диснейн баатруудын  дуутай хуурцаг бэлэглэж байсан юм.  Тэр дуунуудын дагаж дуулдаг  болсноос хойш би дуулах сонирхолтой  болсон. Тиймээс би дуу дуулахаар бэлдлээ.
Норвегийн мисс Керолин Овен: Миний онцгой явъяас бол  дуулах.  Би шалгаруулалтдаа зориулж Эва Кассидигийн "Намрын навчис" дууг  дуулахаар бэлдсэн.  Энэ дууг  дуулахаар  миний  хувьд их  олон сайхан дурсажууд минь сэргэдэг.  Дуулах гараа минь ч  энэ  л  дуутай  холбоотой. Зөвхөн миний ч  гэлтгүй энэ дууг мэддэг хүн  бүхний хувьд  өөр өөрийн гэсэн   утга, сайхан  дурсамжууд авчирдаг гэж боддог шүү. 

Макаогийн мисс Винние Син: Би хөгжмийн тоглолт үзүүлэхээр бэлдсэн. Хөгжмийн  авъяасаа би  13 натайгаасаа эхлэн  хөгжүүлсэн. Би үзүүлбэрээ “Ганцаардлын танго”-г хөгжимдөхөөр бэлдсэн  байгаа. Миний үзүүлбэр хүмүүст  таалагдна гэдэгт  итгэлтэй байна.

Ямайкийн мисс Дина Робинс: Би модерн бүжиг бүжиглэхээр бэлтгэсэн. Боб Марлейгийн модерн бүжгээр эрх чөлөөг илэрхийлсэн. Учир нь  орчин үед  амьдарч байгаа хүмүүс бидэнд биеийн  эрх  чөлөөнөөс гадна сэтгэл, оюун санааны эрх чөлөө их хэрэгтэй байгаа. Тиймээс бүжгээр эрх чөлөөг  илэрхийлэхийг  хүслээ.
Прагвайн мисс Фиорелла  Миглиор: Би Прагвайн үндэсний босоо ятгаар  хөгжимдөхөөр бэлдсэн. Хөгжимдөхийн зэрэгцээ би дуулна.  Уламжлалт  дуу гэж хэлж болно. Энэ "Амьдрал" гэдэг нэртэй хайр сэтгэлийн  тухайн сайхан дуу байгаа.  
Филлипиний  мисс Күэнрих Рихман:  Бит боксийн  үзүүлбэр бэлдсэн. Энэ төрлийн үзүүлбэр бэлдсэн мисс бараг  ганцхан би л  болов уу даа. Амьсгаагаа зөв хувиарлаж,  амаараа сонсголонтой дуу авиа гаргана гэдэг  тун  хэцүү. Хүмүүс мисс хүнээс ийм төрлийн  авъяас гарна гэж бодохгүй л  байгаа байх. Би анх Justin Timberlake-ийг  бит бокс хийж байхыг хараад ингэж сурах юмсан гэж бодсон. Түүнээс хойш сурахаар хичээж эхэлсэн. Бүх  төрлийн  бит боксийн видео бичлэгүүдийг үзэж суралцсан гэх үү дээ.

Данийн мисс Айрис Томсон: Миний хувьд бүжиг бүжиглэхээр бэлдсэн. Ер нь багаасаа бүжгээр хичээллэж бүжгийн спорт  сонирхсоор  ирсэн. Тиймээс бүжгийн  төрлөөрөө л  оролцох нь хамгийн зөв гэж бодож байна.
Монголын мисс Баярмаа Хүрэлбаатар:  Багаасаа мисс болохыг  хүссэн. Тиймээс ч энэ тэмцээнд оролцох гэж их  хичээсэн. Авъяасын үзүүлбэрээрээ бүжиг бүжиглэхээр бэлдэж байна.  Би жүжигчин мэргэжилтэй учир  аливаа урлагийн төрөл зүйлд авъяаслаг гэж бодож байна.
Хятадын мисс Веншиа Ю:  Авъяасын үзүүлбэртээ "Цэцэг" хэмээх дуу дуулахаар  бэлдсэн. Энэхүү дуу цэрэгт мордсон эр нөхрүүдээ хүлээж буй бүсгүйчүүдийн тухай  өгүүлдэг. Ер нь  хятад үндэсний дуу сайн  сайхныг бэлэгдэн  дуулдаг. Энэ дууны аялгуу  их сайхан.  Тиймээс үзэгчдэд таалагдана гэж найдаж байна.

Латвийн мисс Анастасиа Скибунова: Би бүжиг  бүжиглэнэ.  Миний бэлдсэн бүжиг хөнгөн хэмнэлтэй, аялгуу нь сэтгэл сэргээсэн жингэнэсэн дуутай. Энэ бүжгийн  мэргэжлийн балетмистр дэглэж байгаа учир түрүүлнэ гэдэгт итгэлтэй байна. Багш маань  бүжгээ сайн бүжиглэхээс гадна тайзаа хэрхэн  эзэлж бүжгээ амьдруулах вэ зэргийг зааж байгаа. Өмнө нь ч энэ  чиглэлээр хичээллэж амжилт  үзүүлж байсан  учраас өөртөө  итгэлтэй байна. Гэхдээ би  өөртөө бардаагүй, илүү сайн  байх ёстойгоо мэдэж байгаа.

Куракаогийн мисс Стефан Чанг: Фламинго  бүжиг бүжиглэхээр  бэлдлээ. Энэ бүжиг  их  алдартай цоглог  ритмтэй учир хүмүүсийг  сэргээж өгөх  байх. Испани  бүжгүүд  зөвхөн бүжгээс гадна  спортын  төрөлд ч хамаардаг их  ур чадвар шаардсан бүжиг байдаг. Мэдээж стандарт гэгдэх энэхүү бүжгээ балетмистр багшаар дэглүүлж байгаа.