Шинэ Засгийн газрын сайд нарыг томилсон тул дэд сайд нарын асуудал ид яригдаж эхлээд байна. Тухайлбал, МАХН-МҮАН-ы “Шударга ёс” эвслээс хамтарсан Засгийн газарт орж ажиллах дэд сайд нарын нэрс тодорсон байна. “Шударга ёс” эвслээс 4 яамд сайд томилохдоо МАХН-аас  Ч.Улаан, Н.Удвал, Д.Тэрбишдагва нар, МҮАН-аас М.Сономпилын нэрийг оруулсан. Тэгвэл дэд сайдын томилгоонд ч энэ 3/1 гэсэн харьцааг хадгалахаар болжээ. Тодруулбал 4 дэд сайдын суудалд МАХН-аас 3 хүн, МҮАН-аас нэг хүн оруулахаар ярьсан байна. МАХН-аас Н.Энхбаярын хүү Э.Батшугар, туслах Б.Тулга, хуульч Д.Эрдэнжамъяан нарын нэр оржээ. Харин МҮАН-аас ХМОНХ албаны дарга Ч.Чимэдсүрэн дэд сайд болохоор нэр нь тодорчээ. Өөрөөр хэлбэл “Шударга ёс” эвсэл дотроо МАХН -3, МҮАН-1 гэсэн харьцаагаар хуваарилалт хийж байгаа аж. Ийм хуваарилалтанд МҮАН-ын талаас багагүй хэл ам гаргаж байгаа гэж эх сурвалж мэдээлэв. Цаашдаа энэ нь томилгоо нь хоёр намын гишүүдийн дунд хагарал үүсгэх магадлалтай гэх хүмүүс ч байна.