Сонгуулийн тухай хуулийн төслийг УИХ-ын чуулганаар хэлэлцэж буйтай холбогдуулан, УИХ-ын гишүүд үг хэллээ.

Эмэгтэй удирдлагатай байгууллага өнгөтэй өөдтэй байдаг. Энэ утгаар нь эмэгтэй гишүүдийн иквотыг 25 хувиас доошгүй байлгах хэрэгтэй.

Олигархиудыг парламентад оруулж ирэхээр хуулийн цоорхойг ашиглаж байгаад харамсаж байна. Үе үеийн парламентад сонгогдож чадахгүй байгаа хүмүүс жагсаалтын аргачлалыг зохиосон. Шударга хүн хуулийн алдаа болдоггүй. Харин тогтолцоо буруутай. Улсыг удирдана гэдэг зарчмаар нийт ард түмний 10 хувь дэмжсэн атал УИХ-д сонгогдох боломжгүй болох нь. Үүнийг ойлгохгүй байна. Гэхдээ та нарыг ойлгож байна. Мөнгөтэй, хөрөнгөтэй хүмүүс аргагүй. Фэйсбүүк, твиттерт хяналт тавина гэсэн. Телевизоргүй ядарсан ард түмэн олон шүү. Уулзах боломж мөнгөнөөс болж хязгаарлагдана. Боломжийг ингэж хааж байна. 18 хоногт 100 мянган хүнтэй хэн яаж, уулзаж чадах юм бэ. Дөрвөн жил хэвлэлээр гарсандаа эрдэж байна, та нар. Тиймдээ ч жагсаалтаар орж ирнэ гэж эрдэж байна. Зөв тогтолцоогоороо ороод ир л дээ. Буруу тогтолцоо юм бол та нар яагаад олуулаа сонгогдсон юм бэ.

Хуулийн төслийг дэмжиж байна. Гэхдээ нийгмийн ерөнхий байдлаа харахаар үнэхээр Монголд эмэгтэйчүүдийн байр суурь, үүрэг нэмэгдэж байна. Хариуцлага өссөн байна. Тиймээс эмэгтэй гишүүдийн квотыг 30 хүргэх ёстой гэдгийг ойлгож байна. Тогтолцооны хувьд сайн ярих байх. Хувь тэнцүүлсэн гэдгийг хууль зөрчих байх гэж хувь хүнийхээ үүднээс бодож байна. Үндсэн хуулийн нэмэлт, өөрчлөлтийг хэлэлцэх үед зааж өгөхөөр оруулж ирсэн. Гэвч унагаасан. Зөрүүлээд унагаасан хуулиа Сонгуулийн тухай хуульд оруулж байгаа нь хууль зөрчсөн үйлдэл болох байх. Санхүүжилтийн хувьд энэ хуулиар шийдэх байх гэтэл бодит зүйл орж ирсэнгүй. Үүнээс болж улстөрийн намуудын нэр хүнд унаж байна. Бизнесийн салбар, хөрөнгөтэй хүни барьцаанд орлоо гэж байна. Үүнийг болих хэрэгтэй. Японд төрөөс санхүүжилт хийх замаар бизнесийн салбараас ангид байлгадаг. Аль болох хөрөнгө, мөнгөтэй хүмүүсээс хараат байлгаж чадвал сонгууль зөв явагдана.

Г.Эрдэнэ