УИХ-ын гишүүн Ж.Баярмаа цаг үеийн асуудлаар дараах мэдээллийг өглөө. 

Тэрбээр: "Харбины гэрээг хянан шалгах түр хороог байгуулах боломжтой боллоо. Нүүрсээ өндөр үнээр зарж болохоор байтал яагаад манай зүгээс долоон удаагийн хэлэлцээрийн үед үнээ нэмээгүйг судлах нь хамгийн чухал байгаа. 

2024 оны хоёрдугаар сард "Эрдэнэс Тавантолгой" -н БЭТ Ж.Ганбат гэдэг хүн тухайн үеийн ЗГХЭГ- руу Хятадтай байгуулж байгаа хэлэлцээрийн явцын талаарх танилцуулга явуулсан байдаг. Түүн дээр Хятадын тал Чайна энержи компани нь манай нүүрсийг биржийн үнээр худалдан авахыг зөвшөөрөв гэсэн заалт байдаг. Энэ нь юуг илэрхийлж байгаа вэ гэхээр өнөөдөр бирж дээр нүүрс маань 1 тонн нь 120 ам.доллараар зарагдаж байгаа бол 120 доллараар нь авъя гэдгийг хүлээн зөвшөөрсөн гэсэн үг. 

Хятадын тал биржээр зарж байгаа үнээсээ 5 хувь хөнгөлөөч гэсэн санал тавьсан байдаг. Тэгэхээр 114 ам.доллараар зарах боломж байсан байна. Гэтэл яагаад 10 гаран жилийн турш 50 гаруй ам.доллараар зарчихав. Үүнийг хянан шалгах ёстой" гэлээ.