Сүхбаатар дүүргийн шүүхээс дөрвөн жилийн хорих ял сонссон МАХН-ын дарга, экс ерөнхийлөгч Н.Энхбаяр сайд нарын гэгдэх Клиникийн хоёрдугаар эмнэлэгт эмчлүүлж байгаа юм. Тэрээр анхан шатны шүүхийн шийдвэрийг хууль бус гарсан хэмээн өнгөрсөн сарын 16-нд Нийслэлийн давж заалдах шатны шүүхэд хандахаа мэдэгдэж, гомдлоо Сүхбаатар дүүргийн шүүхэд хүргүүлсэн. Уг гомдлыг Сүхбаатар дүүргийн шүүх хянан үзээд, өнөөдөр Нийслэлийн шүүхэд хүргүүлсэн байна. Нийслэлийн шүүх гомдлыг хүлээн аваад хэргийн шүүгчийг томилж, 30 хоногийн дотор хурлын товыг гаргах ёстой юм. Тэгэхээр МАХН-ын дарга, экс ерөнхийлөгчийн гомдлыг энэ сарын сүүлээр хэлэлцэх юм байна. Б.Чимэг
