"Оюу Толгой" компани нь "Оюунлаг хүмүүн Монголын баялаг" Үндэсний тэтгэлэгт хөтөлбөр зарлалаа. Монголын мэргэжлийн боловсрол болон сургалтыг дэмжин Монгол улсын Боловсрол, соёл, шинжлэх ухааны яамтай байгуулсан Хөрөнгө оруулалтын гэрээ, Харилцан ойлголцлын санамж бичгийн хүрээнд шилдэг оюутан залууст зориулан Үндэсний тэтгэлэгт хөтөлбөр хэрэгжүүлж байна.2012-2013 хичээлийн жилд энэхүү хөтөлбөрт 35 оюутан сонгон шалгаруулж авах бөгөөд тэтгэлэг нь дараах зүйлээс бүрдэнэ:

    -Жилийн сургалтын төлбөр
    -Сар бүр 200,000 төгрөгийн тэтгэлэг
    -Хөдөө орон нутгийн оюутнуудын дотуур байрны төлбөр
    --Cонгогдсон оюутнууд Оюу Толгой болон Рио Тинто компаниудад дадлага хийх боломжтой
    Шаардлага хангасан төгсөгчид Оюу Толгой компаниас зарласан ажлын байранд ажиллахаар өргөдөл гаргавал давуу тал олгоно

Тэтгэлэгт хөтөлбөрийн ерөнхий шалгуур:

    -Монгол улсын иргэн байх;
   -Дотоодын магадлан итгэмжлэгдсэн их дээд сургуулийн 2, 3, 4 дүгээр дамжааны  өдрийн ангийн оюутан байх
    -Уул уурхай, Металлурги, Геологи, Механик, Цахилгаан, Хими, Барилгын инженер, Байгаль орчны чиглэлээр суралцаж байх
    -Сурлагын голч дүн 3.2-оос дээш байх
    -Бусад тэтгэлэгт хөтөлбөрт хамрагдаагүй байх

Бүрдүүлэх материал:

    -Анкет
    -500-600 үгтэй зохион бичлэг. Одоо суралцаж байгаа мэргэжлээ яагаад сонгосон, сургуулиа төгсөөд эзэмшсэн мэргэжлийнхээ дагуу хэрхэн ажиллахаар төлөвлөж байгаа, нийгэмд тустай үйл ажиллагаанд цаашид хэрхэн оролцох тухай дэлгэрэнгүй бичнэ үү
    -Сургуулийн тодорхойлолт
    -Суралцсан хугацааны  албан ёсны дүнгийн хуулбар
   - Хоёр багшаас авсан тодорхойлолт(Тодорхойлох захидал)
    -Суралцсан хугацаанд гаргасан амжилт, авсан шагнал урамшууллын хуулбар
    -Намтар (CV)
   - Иргэний үнэмлэхний хуулбар
    -1 хувь цээж зураг

Сонирхсон оюутнууд өргөдлийн материалыг монгол хэл дээр бүрэн бүрдүүлэн дараах хаягаар ирүүлнэ үү:

Оюу Толгой ХХК
Улаанбаатар - 14240, Сүхбаатар дүүрэг
Чингисийн өргөн чөлөө - 15
Моннис цамхаг 1 давхар
Утас: 331880 (дотуур дугаар 3356, 3303)

Өргөдөл хүлээн авах эцсийн хугацаа: 2012 оны 9-р сарын 24-ний өдрийн 17:00 цаг 

    -Анхан шатны шалгаруулалтанд тэнцсэн оюутнуудыг ярилцлаганд урина.
    -Хугацаанаас хоцорсон болон дутуу бүрдүүлсэн материалыг хүлээж авахгүй.
    -Ирүүлсэн материалыг буцаан олгохгүй.