Барилга хот байгуулалтын сайдаар ажиллаж байхдаа албан тушаалын байдлаа урвуулан ашиглаж, улсад онц их хэмжээний хохирол учруулсан хэрэгт буруутгагдсан сайд асан З.Баянсэлэнгэ нарт холбогдох хэргийн шүүх хурал дахин хойшиллоо. Учир нь Сонгинохайрхан дүүргийн Эрүүгийн хэргийн анхан шатны шүүх хуралд улсын яллагч өвчтэй шалтгааны улмаас ирээгүй байна. Тиймээс шүүх хурлыг ирэх сарын 6-ны өдрийн 09.00 цаг хүртэл хойшилууллаа.
Түүнийг нийслэлийн прокурорын газраас 2002 оны Эрүүгийн хуулийн тусгай ангийн 263.2 дахь хэсэгт зааснаар албаны эрх мэдэл буюу албан тушаалын байдлаа урвуулан ашигласан хэргээр шүүж буй юм. З.Баянсэлэнгэ нь Барилга, хот байгуулалтын сайдаар ажиллаж байхдаа албан тушаалын байдлаа урвуулан ашиглаж "Бэрэн групп" ХХК-ийн барьсан "Хангай" хотхоны орон сууцнаас 123 айлын орон сууцыг тендер зарлалгүйгээр худалдан авч, улсын төсөвт 972.4 сая төгрөгийн хохирол учруулсан хэрэгт буруутгагдаад байгаа юм.
Сэтгэгдэл (2)