Бусдын буруугаас болж цаг бусаар хорвоог орхисон бяцхан хүүхдүүдийн гэгээн дурсгалд зориулж яг одоо Зайсангийн Будда бурхны цогцолборт олон ээжүүд нэгдэж цэцэг, зул өргөж байна.

Тус үйл ажиллагааг “Facebook group Mommy Central” группын ээжүүд зохион байгуулж, бусад ээж, аавуудыг нэгдэхийг уриалж байгаа аж.

Мөн энэ үйл ажиллагаагаар дамжуулан бүх эцэг эхчүүд, жолооч нарт, барилгын ажилчид, зөвшөөрөл олгодог албан тушаалтнуудад, жолооч бэлтгэдэг сургалтын төвүүдэд, бүх шатны эмнэлгийн байгууллагын ажилтан эмч, албан хаагчдад хандан хэнд ч гэм хийгээгүй, инээж тоглож явсан бяцхан үрсийн амийг бүү хохироогооч гэж уриалж байгаа юм.