Ази, Номхон далайн элэг судлалын холбоо, Монголын Элэгний эмгэг судлалын холбоо хамтран “Гепатит С вирус ба хавсарсан халдварууд” сэдэвт олон улсын онол практикийн хурлыг энэ сарын 7-9 хооронд Монгол Улсад анх удаа зохион байгуулж байна.  Хуралд, Монгол улсын Засгийн газрын гишүүн, Эрүүл мэндийн сайд Анагаахын шинжлэх ухааны доктор Н.Удвал, Монголын элэгний эмгэг судлалын холбооны тэргүүн Ж. Амарсанаа,  тус холбооны дэд тэргүүн, Анагаах ухааны доктор, дэд профессор О.Баатархүү, “Оточ Манарамба” АУДС-ийн захирал Д.Нацагдорж болон бусад албаныхан оролцож байна.

Мөн уг олон улсын хуралд 350 гаруй гадаадын зочид, төлөөлөгч, эмч, судлаач, эрдэмтэд хүрэлцэн ирж Дэлхийн элэгний өвчин судлалын өнөөгийн байдал, цаашдын чиг хандлага, орчин үеийн эмчилгээний талаар санал солилцож байгаа аж.