Хан-Уул дүүргийн 14-р хорооны нутаг дэвсгэрт орших Хурд компанийн Рапид Харш орон сууцны хороололд баригдаж буй нэгэн барилгын өргөгч кран нурж кранист нь болох 26 настай залуу амиа алджээ.
Тус осол өчигдөр орой 18.30 цагийн орчимд  гарчээ.
Онцгой байдлын газрынхан ослын газар дээр ажиллаж, улмаар 20.30 цагийн үед цагдаагийнхан цогцсыг авч явжээ.
Осол гарсны дараахан Шууд телевизийн сурвалжлах багийнхныг очиход “Хөдөлгөөнт бай” хэмээх хамгаалалтын албаны ажилтнууд зураг авахуулахгүй хэмээн сэтгүүлч, зураглаачдын биед халдаж, дарга нь сурвалжлагчийн микрофоныг булааж авах мэтээр зүй бусаар харьцсан байна.
Энэ үеэр барилгын хашааны дөрвөн талд байх камеруудыг бүтээсэн нь тэр үед ямар ч үйл явдал болсон нотлох баримтгүй болгох гэсэн Хурд компанийн удирдлагуудын санаа аж. Сүүлийн үед хаа сайгүй брэнд болж буй “салаавч”-ийг хамгаалалтын албаныхан сэтгүүлчдийн өөдөөс гаргаж, элдвээр заналхийлсэн байна.
Хурд компанийн барьж буй барилгуудад цагийн ажилчдадаа хөдөлмөр хамгааллын хувцас хэрэглэл өгдөггүй байжээ.

Ц.Болор