9 дүгээр сарын хоёр дахь ням гаригт Соёл, урлагийн ажилтны өдрийг тэмдэглэн өнгөрүүлдэг болсон билээ. Өнгөрсөн жилийн соёл, урлагийн ажилтны өдөр 9 дүгээр сарын 10-ний өдөр тохиосон бөгөөд “Монгол улсын филармони”, “Тотал мюзик” /Протек ХХК/ хамтран  зохион байгуулсан ажээ. Арав гаруй жил Соёл урлагийн ажилтны өдрийг тэмдэглэж ирсэн уламжлалын дагуу энэ жил “Үндэсний дуу бүжгийн эрдмийн чуулга” хариуцан зохион байгуулхаар болсон билээ. Тэгвэл өчигдөр Үндэсний дуу бүжгийн эрдмийн чуулгын уран бүтээлчид соёл урлагийн салбарынхандаа зориулан үнэгүй тоглолт хийсэн байна. Тоглолтыг мянга гаруй хүн үзэж сонирхожээ.