Өнөөдөр Нийслэлийн Засаг даргын хэрэгжүүлэгч агентлаг болон Захирагчийн ажлын албаны харьяа газрын даргаар томилсон хүмүүсийн нэрс тодорсон. Харин энэ дунд ерөнхийлөгч Ц.Элбэгдоржийн ах механик инженер мэргэжилтэй, төрийн удирдлагын арга зүйч Ц.Арсландорж багтжээ. Тэрбээр өнөөдрөөс "Улаанбаатар зам засвар, арчлалт компани” НӨҮГ-ын даргаар томилогдсон байна. Ц.Арсландорж 1955 онд төрсөн, ерөнхийлөгч Ц.Элбэгдоржоос найман насаар ах юм. Түүнийг Ц.Элбэгдоржийн нам ялах бүрт албан тушаал өгсдөг хэмээн ярьдаг. Тэрбээр 1977-1984 онд Сүүний үйлдвэрт  лаборант,  1984-2003 онд Найрамдлын районд   хорооны дарга, хот тохижилтын байцаагч, байцаагч инженер, ахлах байцаагч, гаражийн дарга, Тохижилт үйлчилгээний компанийн захирал, 2003 -2009 онд УБТЗ-ын Авто тээвэр үйлчилгээний төвд орлогч дарга, даргаар ажиллаж байжээ. Харин 2009 оноос УБТЗ-ын Бээжин дэх төлөөлөгчөөр ажиллаж байсан юм.