Хавдар судлалын үндэсний төв, Япон улсын Накаяамагийн хавдар судлалын төвтэй хамтран "Дурангийн мэс засал хорт хавдрын эмчилгээнд" сэдэвт олон улсын эрдэм шинжилгээ, онол практикийн бага хурлыг дөрөв дэх жилдээ зохион байгууллаа.

Хуралд манай төрөлжсөн нарийн мэргэжлийн төвүүдийн 130 гаруй эмч, эрдэмтэд оролцсон.
Тэд дөрвөн байрлалын хавдар буюу улаан хоолой, ходоод, элэг, бүдүүн шулуун гэдэсний хорт хавдрын орчин үеийн оношлогоо, эмчилгээний чиглэлээр 24 илтгэл тавьж хэлэлцсэн.
Манай орон гурван жилийн өмнөөс дурангийн хагалгааг хийх болсон байна. Хурлын үеэр Японы эмч нар хавдраас урьдчилан сэргийлэхийн тулд хамгийн гол нь иргэд өөрсдөө эрүүл мэндийн үзлэгт байнга хамрагдаж байх хэрэгтэй гэдгийг хэлсэн.