Кембрижийн гүн Уиллиам, гүнж Кейт Миддлетон нар мягмар гарагаас Ази,
Номхон далайн зарим орноор айлчлах тухай People сайт мэдээлжээ.
Кембрижийн гүн Уиллиам, гүнж Кейт Миддлетон нар мягмар гарагаас Ази, Номхон далайн зарим орноор айлчлах тухай People сайт мэдээлжээ. Хосууд Их Британийн Хатан хаан Елизабет хаан ширээнд суусны 60 жилийн ойн хүрээнд энэхүү айлчлалыг хийж байна. Ханхүү Уиллиам, Кейт Миддлетон нар Сингапур, Малайз, Соломын арлууд, Тувалу орнуудаар 11 өдрийн айлчлал хийх юм байна.
Сингапураас эхлэх айлчлалаар хааны гэр бүлийн гишүүд 1997 онд Диана гүнжийн нэрээр нэрлэсэн цагаан цахирмаа цэцгийг тарьдаг ботаникийн цэцэрлэгийг үзэхэхээр төлөвлөжээ.
Пүрэв гарагаас бямба гарагт Малайзид айлчлах үеэрээ гүнж анх удаа олонд хандан үг хэлэх аж.
Кейт Миддлетон айлчлалд өмсөх хувцсаа хувийн стилистийн тусламжтайгаар өөрөө сонгох бөгөөд Малайзид төрсөн дизайнер Жимми Чугийн фирмийн гутлыг өмсөх гэнэ. 2011 онд АНУ, Канадаар айлчлахдаа тэрбээр тухайн улсын дизайнеруудын хувцсыг сонгож байсан.
Д.Идэр
