Өмнөговь аймагт уул уурхайн компаниуд олноор үйл ажиллагаа явуулдаг. Үүнээс үүдэн осол аваар гарах нь ихэсчээ. Тэгвэл тус аймагт мөн л автын осол гарсан байна. Тодруулбал, тус аймагт нүүрс тээвэрлэж явсан хоёр машин мөргөлдсөн бөгөөд ослын улмаас нэг хүн амиа алджээ.Мөн Ханбогд сумын нутагт нүүрс тээвэрлэж явсан 34-12 УНО, 74-52 УНЗ улсын дугаартай "Норд бенз" маркийн ачааны хоёр машин мөргөлдсөн байна. 34-12 улсын дугаартай машиныг БНХАУ-ын иргэн Тонг Лов, 74-52 УНЗ улсын дугаартай машиныг Б.Цэнд-Аюуш жолоодож явжээ. Ослоор монгол жолооч амиа алдаж, хятад жолооч хүнд гэмтсэн бөгөөд ослын шалтгааныг тодруулахаар Өмнөговь аймгийн Замын цагдаагийн хэлтсийнхэн ажиллаж байгаа ажээ.