Ирэх аравдугаар сард болох Коммунист намын хурлын тов хараахан гараагүй байгаа бөгөөд удирдагчаар сонгогдох магадлалтай байсан Си Жинпин долоо хоногийн дотор дөрвөн хуралд ирээгүй нь олон нийтийн дунд цуу яриа дэгдээж эхэллээ.

Ирэх аравдугаар сард болох Коммунист намын хурлын тов хараахан гараагүй байгаа бөгөөд удирдагчаар сонгогдох магадлалтай байсан Си Жинпин долоо хоногийн дотор дөрвөн хуралд ирээгүй нь олон нийтийн дунд цуу яриа дэгдээж эхэллээ.

Бээжинд айлчлал хийж байгаа Данийн Ерөнхий сайд Хелле Торнинг Шмидттэй даваа гарагт хийсэн хуралд Хятадын удирдагч болох магадлалтай Си Жинпин ирээгүй талаар ВВС мэдээллээ. Данийн Ерөнхий сайдтай хийх уулзалтын хөтөлбөрт  Си Жинпинтэй ярилцах цаг байсан ч даваа гарагт энэ цагийг цуцалсан аж.
Өнгөрсөн баасан гарагт болсон Коммунист намын хуралд Си Жинпин мөн ирээгүй нь хэвлэл мэдээллийн анхаарлыг татаж байна.

Дараа сард болох намын хурлаар түүнийг тав дахь удирдагчаар сонгох тухай яригдаж байсан юм. Гэхдээ удирдагчийг сонгох асуудал маргаантай байгаа гэсэн мэдээлэл гарах болсон бөгөөд Си Жинпиний харагдахгүй байгаа нь мэдээллийг улам лавшруулж байна.

Мөн тэрбээр Сингапурын Ерөнхий сайд, ОХУ-ын албаны хүмүүстэй уулзах үеэр байгаагүй аж.

Хамгийн хачирхалтай нь Си Жинпиний нэртэй холбоотой микро блогуудыг хаасан байна.