МАН-ын 300 гишүүн МАХН-д элсэх гэж байгаа талаар МАХН-аас өнөөдөр мэдээлсэн. Түүнчлэн шинээр элсэж буй гишүүдэд МАХН-ын Ерөнхий нарийн бичгийн дарга Г.Шийлэгдамба батламж гардуулна хэмээн мэдээлсэн юм. Энэ талаар МАН-ын Ерөнхий нарийн бичгийн дарга Г.Занданшатар “Намаас гарна гэж өргөдлөө өгсөн 300 битгий хэл гурван ч гишүүн байхгүй” гэв. Харин МАХН-аас Улаанбаатар хотын есөн дүүргийн удирдах албан тушаалтай хүмүүс МАХН-д элсэх хүсэлтээ ирүүлснийг МАХН-ын удирдлагууд хүлээн авсан хэмээн мэдээлэл тараагаад байгаа билээ.
Б.Чимэг
