УИХ-ын чуулганы хуралдаан үргэлжилж байна. Хуралданааар цар тахлаас урьдчилан сэргийлэх хуулийн үйлчлэх хугацааг сунгах төслийг хэлэлцэж байна. Энэ үеэр УИХ-ын гишүүн Ц.Даваасүрэн "УОК юм л бол хаана, хянана гээд байх юм. Бизнес эрхлэгч нар чинь дампуурч гүйцлээ. Тэр дундаа ЖДҮ эрхлэгч нар чинь хүнд байдалд орлоо. Улаанбаатар хотоо хаагаад үйл ажиллагааг нь нээх хэрэгтэй. Эмнэлгийн ажилчдыг 72 цагийн хугацаатайгаар хийж, хамрагдуулах шаардлагатай байна. Ер нь Я.Содбаатар даргаа жаахан ухаалаг бай л даа" гэв.

Харин түүний асуултад Шадар сайд Я.Содбаатар "Бид зүгээр дээшээ харж сууж байгаад хааж хориод байгаа зүйл байхгүй. Бүх зүйл шинжлэх ухааны үндэслэлтэйгээр авч хэрэгжүүлж байна. Дэлхий нийт ч ингэж ажиллаж байгаа. ДЭМБ болон мэргэжлийн эрдэмтэн судлаачид нь халдвар дэлгэрнэ, жилийн эцэс болоход шинээр халдвар авсан хүний тоо 400-450 хүн болох нь, цагаан сар болоход 2,800 хүн болох нь гээд зөвлөсөн. Эмч, эмнэлгийн ажилчдыг 72 цагийн хугацаатайгаар шинжилгээнд хамруулах ямар ч боломж байхгүй. Ц.Даваасүрэн гишүүн ийм зүйл олгохгүй байна гэдэг харамсалтай" хэмээв. 

Б.Баатар