УИХ-ын гишүүн Н.Алтанхуяг “Шударга бусын хонгил” баримтат ном бичиж байгаа бөгөөд тэрбээр энэ талаараа “Шударга бусын хонгил” баримтат номоо дуусгах гээд л үзээд байна. Хонгилыг зарлаад, хонгилдуулаад, тэмцэлдээд олон жил явлаа. Юм юм л багтаах гэж хичээлээ. Бүгд баримттай” хэмээн өөрийн цахим хуудаснаа бичсэн талаар бид өмнө нь мэдээлсэн билээ.

Тэгвэл Н.Алтанхуягийн энэхүү мэдээлэл Монгол Улсын Ерөнхийлөгч асан Ц.Элбэгдоржид нэлээд хүнд туссан бололтой. Учир нь тэрбээр “Энэний бичих гэж юу байхав. Нохой ч тоож шиншлэхгүй. Зассан эзэндээ янаг гэж. Эзнээ илчлэхээ, шорондоо хийсэн 14-ийн нэрийг дурьдахаа мартав. Харин нийтлэлч Баабар 14-өөр ном бичиж буй юм билээ. Баримт сураглаад байсан. Баабарыг бүх юм ул болоход ч 100, 200 жилийн дараа ч уншина” хэмээн эгдүүцсэн байх аж. 

Ямар учраас Ерөнхийлөгч асан Ц.Элбэгдорж ийнхүү дургүйцсэн нь олон хүний анхаарлыг татаж, ёстой л "Зүүдээ ярих гээд хулгайгаа илчлэв" бололтой хэмээх сэтгэгдэл цахим орчинд хөвөрч эхлэв. 

Тэрбээр өмнө нь “Улс төрийн хоригдол 14 хүнд уучлал үзүүл. Үндсэн хуулиар зөвхөн Ерөнхийлөгчид олгосон бүрэн эрх юм. Элдэ вжурам, тайлбараар шалтаглах хэрэггүй. Төрийн тэргүүний уучлалаас илүү хүчтэй эрх зүй гэж байхгүй. Хэлмэгдсэн, алдаж эндсэн бусдыг нь 100 жилийн өршөөлд УИХ хамруулаг" хэмээн жиргэсэн нь мөн л олны анхаарлыг татаж байсан.

Тэгвэл тэрбээр юуны учир байн байн улс төрийн 14 хоригдлын тухай хүүрнэж, анхаарал хандуулах болов" гэдэг нь ч олны анхаарлыг татаж буй юм. 

Ямартай ч Ц.Элбэгдорж улс төрийн 14 хоригдолд анхаарал хандуулж, УИХ-ын гишүүн Н.Алтанхуягийг "Шударга бусын хонгил" баримтад ном бичиж буйд эгдүүцэж буй бололтой. 

Б.Баатар