Монгол Улсын Ерөнхийлөгч Х.Баттулга он солигдох мөчид ард түмэнд гэнэтийн бэлэг барьдаг зуршилтай болсон. Өнгөрсөн жилийн хувьд ахмадуудын тэтгэврийн зээлийг нэг удаа тэглэхээр болсныг албан ёсоор мэдэгдсэн билээ.

Тэрбээр "Өчигдөргүй өнөөдөр, өнөөдөргүй маргааш гэж үгүй билээ. Туурга тусгаар Монгол Улсын хөгжил дэвшлийн төлөө залуу насаа зориулсан ахмад буурлуудаа өрийн дарамтаас салгах зорилгоор алдагдсан байсан Салхитын мөнгөний ордоо эдийн засгийн эргэлтэд оруулах замаар тэтгэврийн зээлийг нэг удаа тэглэх тухай Үндэсний Аюулгүй байдлын зөвлөлийн гишүүд санал нэгдэн шийдвэр гаргасныг он солигдох энэ мөчид ахмадууд та бүхэндээ дуулгаж байгаадаа баяртай байна" гэж байлаа.

Харин энэ жилийн хувьд гэнэтийн сюрприз нь цар тахалтай холбоотой байна. Энэ нь “өршөөл” байх болов уу гэсэн хүлээлт, найдлага нийгэмд үүсээд байна.

У.Тэргэл