Цахим орчинд үгээ хэлж, үзэл бодлоо илэрхийлэх нь хувь хүний эрх. Гэхдээ олны анхаарлын төвд байдаг эрхмүүдийн үг, үйлдэл үргэлж олны анхааралд байдаг. Тэр дундаа улстөрчдийн цахим орчинд нийтэлсэн мэдээлэл гал мэт дүрэлзэж, газар авдаг гэдэгтэй маргах хүн ховор биз.

УИХ-ын гишүүн Т.Доржханд “Намын сайхан хүүхнүүдээрээ нүүр хийж, Арабуудтай гэрээ хийдэг. Ганцхан эхнэртэй” хэмээх гайхам зүйл өөрийн цахим хуудаснаа нийтэлсэн нь олны дургүйцлийг төрүүлж, шүүмжлэлд өртөөд байна.

Тодруулбал тэрбээр “17 эхнэр, 84 хүүхэдтэй эр маниусыг шоолоод алж байдаг шүү” гэх постыг найзуудтайгаа хуваалцаад “Арабуудтай хэлэлцээр хийхэд хамгийн их хөндөгддөг сэдэв. Хэлэлцээрт амжилт олохын тулд ажлын царайлаг бүсгүйчүүдээ хажуудаа суулгахад “нам” хийнэ дээ. Гэхдээ л бидэнд ганцхан” гэх зүйлийг нийтэлсэн байх аж.

Түүний энэхүү нийтлэлд “Т.Доржханд гишүүн намын сайхан хүүхнүүдээ гайхуулж бардамнав уу эсвэл Арабуудтай гэрээ хэлэлцээр хийхдээ намын хүүхнүүдээ “ашиглаж” байснаа ийнхүү илчлэв үү гэх шүүмжлэлийг дагуулаад байгаа юм. Ямартай ч эрхэм гишүүний үзэл бодлоо илэрхийлсэн энэ удаагийн нийтлэл олон нийтэд үл таалагдав.

Цаашид УИХ гэх эрхэм суудалд заларсан гэдгээ ухамсарлахгүй бол өөрийн нэр хүнд цаашлаад улс орны нэр хүндэд ч халтай байна гэдгийг ухамсарлах нь зүйтэй болов уу эрхэм гишүүнээ.

Б.Баатар