Ардчилсан намын дарга С.Эрдэнэ мэдээлэл хийж, "Тамга надад ирсэн учир Ардчилсан нам хуучин байрандаа өнөөдрөөс үйл ажиллагаа явуулж эхэлнэ" гэдгийг хэллээ.

Тэрбээр "Түр эрх шилжүүлээд байсан Ц.Туваан тамга, тэмдэгээ шилжүүлэн өгөхгүй байсан учраас шинээр тамга хийлгэж, өнөөдрөөс Ардчилсан намын удирдлагууд хуучин хэвээрээ, хуучин байрандаа үйл ажиллагаагаа явуулахаар боллоо. Хуучин тамга хүчингүй болсон.

Үндсэн дүрмийн хороо, дотоод сонгуулийн хороо хоёр үйл ажиллагаагаа хэвийн явуулна.  Харин намын удирдлагын хэрэг эрхлэх газрыг шинээр байгуулж, даргаар нь н.Цэрэнбатыг томилсон. Улсын бүртгэлийн газраас тушаал, шийдвэр гарсан. Улсын дээд шүүхэд Ардчилсан намын дарга С.Эрдэнэ гэсэн бүртгэл хэвээр байгаа. Ардчилсан нам сөрөг хүчний ажлаа идэвхитэй хийх болно. 

Харин дүрмийн хүрээнд Ардчилсан намын дараагийн даргыг сонгох сунгааныг зохион байгуулах ажлын хэсгийг гаргасан. 

Ерөнхийлөгч Х.Баттулга нэр дэвших эсэхийг Үндсэн хуулийн цэц эцэслэн шийдэх байх. Би урьдчилсан байдлаар ямар нэгэн тайлбар өгөхийг хүсэхгүй байна.  

Ардчилсан намын Үндсэн дүрэмд өөрчлөлт оруулах шаардлагагүй. Үндсэн дүрмийг боловсруулах гэж гурван жилийн хугацаа зарцуулж, бүх гишүүдийн санал оролцоотой боловсруулсан дүрэм. Гэтэл цөөхөн хэдэн хүн хувилдаад, өөрсдийн эрх ашгийн үндсэн дээр дүрэмд өөрчлөл оруулдаг байж болохгүй. Би үүнд эсрэг байр суурьтай байгаа. Монгол Улсын Ерөнхийлөгч Х.Баттулга нэр дэвших эсэхийг Үндсэн хуулийн цэц эцэслэн шийдэх байх. Би урьдчилсан байдлаар ямар нэгэн тайлбар өгөхийг хүсэхгүй байна.  

Дүрмийн дагуу үйл ажиллагаагаа явуулсан. Эрхээ шилжүүлсэн Ц.Туваан нь үндсэн дүрмээ зөрчиж, үндсэн бодлогын хурлаа хууль зөрчиж хуралдуулсан, Х их хурлаа ч мөн хууль зөрчиж зохион байгуулсан. Эрх мэдэл албан тушаалд шунаад энэ албан тушаалд эргэж ирээгүй хууль, дүрмээ баримталж ажиллахын тулд дүрмийн дагуу албан тушаалдаа эргэн ирсэн. Миний итгэл хүлээлгэсэн хүн итгэл алдаж, намын дүрмээ зөрчсөн учраас даргын ажлаа эргүүлэн авсан. Ардчилсан намыг би өөрийн байрнаасаа хөөсөн зүйл байхгүй. Ц.Туваан нар нэг л өдөр нүүгээд явсан" гэв. 

Б.Баатар