Эрдэнэт үйлдвэр компанийн нийгмийн хариуцлагаа үүрээд явж байна. Үүнд Оюутолгой огтоос анхаарал тавихгүй байна. Энэ утгаар Оюутолгойн гэрээнд яаралтай өөрчлөлт оруулах, Монголын талд Дубайн гэрээг ашигтай болгооч гэдэг шаардлагыг Ерөнхий сайдад хүргүүлсэн. 

Харин үүссэн нөхцөл байдлаас монголчуудын амьдралыг нуруун дээрээ үүрч яваа Эрдэнэт үйлдвэрийн инженер техникийн ажилчдад баярлалаа гэж хэлье.

Монголын эрх ашгийг уландаа гишгэсэн Дубайн гэрээ, Оюутолгойн хөрөнгө оруулалтын гэрээнд нааштай өөрчлөлт оруулах цаг наашилж байгаа. Гаднын шүүх, прокурор, цагдаагийн байгууллагуудад монголын эрх баригчдын луйврыг шүүгээд эхэлсэн. Луйвраар олсон хөрөнгө оруулалтыг нь царцаагаад эхэлсэн.

Энэ утгаар Монголын шүүгч нар Оюутолгойн гэмт хэрэгтнүүдийн хам хэрэгтэн болсноо хүлээн зөвшөөрөхөөс өөр аргагүй байдалд орсон.

Учир нь Монголын шүүх, прокурорын байгууллагыг ичгэвтэр байдалд оруулж Швейцарийн прокурор, АНУ-ын шүүхийг байгууллага Оюутолгойн гэрээг байгуулахдаа монголын улстөрч, шийдвэр гаргагч нар эрх ашгийн сонирхолтой шийдвэр гаргасан байна гэдэг дүгнэлт гаргажээ. Монголын шүүх, прокурорын байгууллагууд дүгнэлт хийх цаг болсныг харуулж байна. 

Ер нь Оюутолгой үргэлж ашиггүй ажилладаг. Учир нь зардалдаа шингээж бүх ашгуудаа авдаг. Монголчууд Оюутолгойн төслийн зардалд хяналт тавих ямар ч боломжгүй. Энэ утгаар ашигтай, ашиггүй гэлэг үг нь тэдний луйврын асуудал болчхоод байгаа учраас бид хэлж чадахгүй байгаа юм" гэлээ. 

Б.Лхам