Цар тахлын нөхцөл байдалд банк, санхүүгийн салбарын төөлбөр тооцоо, ханшны эрсдэл, голомтод ажиллаж байгаа хүмүүсийг даатгалд хамруулах, хариуцлага тооцох механизмыг тодорхой болгох асуудлаар М.Оюунчимэг нарын гишүүд мэдээлэл хийлээ.

УИХ-ын гишүүн М.Оюунчимэг “Цар тахлын эдийн засгийн амаргүй хүнд үед нийгмийн чиглэлийн дорвитой арга хэмжээ авах, үүнтэй холбоотой асуудлыг шуурхай шийдвэрлэх чухал байгаа. Тиймээс гишүүд хамтран Цар тахлын тухай хуульд нэмэлт, өөрчлөлт оруулахаар ажиллаж байна.

Тодруулбал, хорио цээрийн энэ үед банк, санхүүгийн байгууллагын тогтвортой үйл ажиллагааг явуулах, цахимаар ихэнх үйл ажиллагаа явж байгаа тохиолдолд албан ёсны байх зэрэг чухал заалтуудыг оруулахаар тогтоолын төслөө өргөн бариад байна.

Өнөөдөр банк, санхүүгийн байгууллагын тогтвортой үйл ажиллагаа нэн чухал байгаа. Шинээр үйлдвэрлэсэн мөнгөн тэмдэгтийг элдэв саадгүйгээр нөөцийг тасалдуулахгүй үүднээс хилээр оруулж ирэх, асуудал чирэгдэл үүсгэхгүй байх. Мөн 44 мянган иргэн ипотекийн зээлээ ирэх оны долдугаар сар хүртэл хойшлуулах хүсэлт өгсөн байна. Энэ цаасаар албан ёсных болох ёстой. Уг асуудалтай холбоотой заалт оруулж өгөх шаардлагатай байгаа.

Үүнээс гадна цар тахлын үед хувийн аж ахуйн нэгжүүдэд ихээхэн хүндрэл учирч байна.

Ялангуяа 2012 оноос хойш ам.доллар, еврогоор зээл авсан олон ААН байдаг. Тиймээс санхүүгийн үүсмэл хэрэгцээ авах арга хэмжээг Сангийн яам, Монголбанкинд бий болгох хуулийн зохицуулалтыг бий болгож байгаа. Ингэснээр ААн-үүд ханшийн эрсдэлээс хамгаалах, ажил, орлоготой байх нөхцөлөө бий болгоно.

Түүнчлэн зээлийн хүүг бууруулах талаар анхаарч ажиллаж байна. Үүнтэй холбогдуулан валютын хадгаламжийн зохицуулалт хийж өгч байгаа” гэлээ.

Б.Лхам